சூப்பர் ஸ்டார் ரஜினிகாந்த், அக்சயகுமார் நடிப்பில் பிரமாண்ட இயக்குனர் ஷங்கர் இயக்கத்தில் லைகா நிறுவனத்தின் பிரமாண்டமான தயாரிப்பில் ஏ.ஆர்.ரஹ்மானின் இசையில் உருவான ‘2.0’ திரைப்படம் சீனாவில் வெளியிடப்படவுள்ளது.

ஜூலை 12ஆம் தேதி சீனாவில் சுமார் 10 ஆயிரம் திரையரங்குகளில் வெளியாகவிருப்பதாக தற்போது, அறிவிக்கப்பட்டுள்ளது.

கடந்த ஆண்டு நவம்பர் 28ஆம் தேதி உலகம் முழுவதும் வெளியாகி ‘2.0’ திரைப்படம் மிகப்பெரிய சாதனை வசூல் செய்தது

இந்த நிலையில் இந்த படம் சீனாவில் வெளியாகவிருப்பதாகவும் அதற்கான பணிகள் நடைபெற்று வருவதாகவும் கூறப்பட்டது.

சீன மொழியிலும், ஆங்கில சப் டைட்டிலும் ‘2.0’ திரைப்படம் வரும் இந்த படத்தின் பாலிவுட் பதிப்பின் டைட்டிலான ‘ரோபோட் 2.0’ என்ற டைட்டிலில்தான் சீனாவிலும் வெளியாகவிருப்பதாக இந்த படத்தை சீனாவில் ரிலீஸ் செய்யும் எச்.ஒய் நிறுவனம் அறிவித்துள்ளது.

ரூ.500 கோடி பட்ஜெட்டில் தயாரான இந்த படம் ஏற்கனவே ரூ.800 கோடி வசூல் செய்த நிலையில், சீன வசூலையும் சேர்த்தால் இந்த படத்தின் மொத்த வசூல் ரூ.1000 கோடியை தாண்டிவிடும் என எதிர்பார்க்கப்படுகிறது.